कोल्हापूर- स्वतःला मूल होत नसल्याने श्री क्षेत्र आदमापूर येथून अपहरण केलेल्या सहा वर्षाचा मुलाचा शोध कोल्हापूर पोलीसांनी मोठ्या शिताफिने लावला आहे. 48 तासात मुलाचा शोध घेऊन दोघा संशयीत आरोपींना कोल्हापूर पोलिसांनी अटक केली असून मोहन अंबादास शितोळे आणि त्याची पत्नी छाया मोहन शितोळे दोघेही राहणार मूळचे मेडा जावळी जील्हा सातारा अशी संशयित आरोपींची नावे असून.अपहरण केलेल्या मुलाला ताब्यात घेऊन त्याच्या आई-वडिलांच्या ताब्यात सुखरूप दिले आहे.
पोलिसांकडून मिळालेली माहिती अशी की, सातारा जिल्ह्यातील खंडाळा मधील शिवाजीनगर येथे राहणारे सुषमा राहुल नाईक नवरे या आपल्या सहा वर्षाच्या मुलग्यासह दिनांक 3 मार्च रोजी श्री क्षेत्र आदमापूर येथे देवदर्शनासाठी आले होते. त्यादिवशी मुक्काम करून ते दुसऱ्या दिवशी आंघोळीसाठी गेले असता त्यांच्यासोबत असलेल्या सहा वर्षाच्या लहान मुलाचे अपहरण अज्ञातांनी केली. दरम्यान त्याबाबतची फिर्याद त्यांनी भुदरगड पोलिस ठाण्यात करण्यात आली. तर कोल्हापूर पोलिसांनी हे प्रकरण गांभीर्याने घेत सात तपास पथक तैनात करून तपासासाठी विविध दिशेला पाठवण्यात आली होती. पोलीस महानिरीक्षक सुनील फुलारी आणि पोलीस अधीक्षक शैलेश बलकवडे यांच्या मार्गदर्शनाखाली तपास सुरू केला. दरम्यान मंदिरातून आणि रस्त्यावरील सीसीटीव्ही फुटेज तपासात संशयीत आरोपी हा त्याची दुचाकी एचएफ डीलक्स गाडी क्रमांक MH11 CN 2066 या दोन चाकीवरून एका महिलेसह मुलाला घेऊन मुलाला घेऊन भुदरगड हद्दीतून कर्नाटक हद्दीत निपाणी, चिकोडी,अंकली, चिंचणी, मायाका, मार्गे मिरज कडे गेल्याचे आढळून आले. तर गाडीचा नंबर घेत तांत्रिक दृष्ट्या पोलिसांनी तपास करत त्यावरून माहितीच्या आधारे पोलीस रेकॉर्डवरील गुन्हेगार असल्याचे समोर आले. संशयित आरोपी मोहन अंबादास शितोळे व पत्नी छाया शितोळे दोघे मूळ राहणार. मेढा, जावळी,सातारा येथील असल्याचे निष्पन्न झाले त्या आधारे तपास केली असता
दोघेही सध्या सोलापूर जिल्ह्यातील सांगोला तालुक्यातील जवळी येथे राहत असल्याचे समोर आले. दरम्यान सांगोला पोलिसांना याबाबतची माहिती कळवत त्वरित सदर दोन्ही संशयित आरोपींना ताब्यात घेतले आणि सहा वर्षीय अल्पवयीन मुलाला ही ताब्यात घेऊन त्याच्या आईवडिलांकडे सुखरूपपणे पोहोच केले. दरम्यान अवघ्या ४८ तासात संशयित आरोपींना ताब्यात घेत मुलाची सुखरूप सुटका केल्याबद्दल पोलीस अधीक्षकांकडून तपास पथकाला बक्षीस म्हणून पंचवीस हजार रुपये देखील जाहीर करण्यात आले आहे.
सदरचे दोन्ही संशयीत आरोपी हे फिरस्ते असून त्यांचा ठावठिकाणा शोधून काढणे व लहान मुलांची सुखरूप सुटका करणे हे पोलीस पथकासमोर आव्हान होते. मात्र तांत्रिक माहितीच्या आधारे पोलिसांनी संशयतांना ताब्यात घेतले असून सदरची कारवाई पोलीस अधीक्षक शैलेश बलकवडे व अप्पर पोलीस अधीक्षक जयश्री देसाई निकेश खाटमोडे उपविभागीय पोलीस अधिकारी गडहिंग्लज चे राजीव नवले यांच्या मार्गदर्शनाखाली स्थानिक गुन्हे अन्वेषण शाखेतील पोलीस निरीक्षक महादेव वाघमोडे ,विनायक सपाटे ,पोलीस अमलदार सुरेश पाटील, रणजीत पाटील ,रामचंद्र कोळी ,विनोद कांबळे, तुकाराम राजीगरे, अजय काळे ,संजय पडवळ ,अनिल जाधव सारिका मोटे यांनी संयुक्त रीत्या केली आहे.
0 Comments